Kárášjoga ássit ledje iđđes vuot čázi haga, muhto dál gal golgá čáhci fas čáhcerevrriin.
Kárášjoga ássit ledje iđđes vuot čázi haga, muhto dál gal golgá čáhci fas čáhcerevrriin.
Stuorra oassi Kárášjoga álbmogis lea gártan birget čázi haga duorastaga iđida. Čáhcekránat heite golgamin váile diibmu 05.30.
– Čáhci suođđá Esso lahkosis, dán leat dál divvumin ja navdit ahte čáhci lea ruovttoluotta fargga, čilge Kárášjoga gielddalaš hoavda Trygve Nilsen.
Eai gidde skuvllaid ja mánáidgárddiid
Kárášjoga skuvllat ja mánáidgárddit leat rahpasat, muhto gielda dađistaga árvvoštallá galget go giddet dáid vai eai.
– Dat leat rahpas, eat ge áiggoše giddet. Mii árvvoštallat dilálašvuođa fas diibmu 10.00, muitala Nilsen.
Nuppes dán vahkkus
Kárášjohkalaččat vásihit nuppes oanehis bottas ahte čáhci jávká. Stuora oassi álbmogis lei čázi haga masá beannot jándora go elektrihkalaš ventiila billašuvai sotnabeaivvi.
– Dál lea áibbas eará boasttuvuohta, lohká Nilsen.
Olbmot sáhttet viežžat čázi «Skytterhuset» nammasaš viesus dan botta go čáhci ii golgga kránain.
