-Almmuhus-
SMÁVVAOĐĐASATČáhce­sullo joatkka­skuvla beassá gárddá­stallat

Čáhce­sullo joatkka­skuvla beassá gárddá­stallat

-

-

Romssa ja Finnmárkku fylkkasuohkan lea juolludan oktiibuot 106 000 ruvnno ođđa sámi prošeavttaide.

Fylkkaráđđi ekonomiijas ja Ronald Wærnes (Gb) Romssa ja Finnmárkku fylkkasuohkanis ilolaččat juolludit oktiibuot 106 000 ruvnno golmma ođđa sámi prošeavttaide Finnmárkkus. Dán háve leat mánát ja nuorat váldoulbmiljoavkkus.

– Munnje lea dehálaš váikkuhit ahte mánát ja nuorat ožžot lasi máhtu sámegielas, sámi historjjás ja kultuvrras. Prošeavttat mat dál ožžot ruhtadeami, dahket juste dan, seammás go lea bures sajáiduvvan báikkálaččat ja regiovnnalaččat, dadjá fylkkaráđđi Ronald Wærnes (Gb), preassadieđáhusas.

Makkár prošeavttat?

Álttá Sámi Giellaguovddáš oažžu 50 000 ruvnno ráhkadahttit ja almmuhit gihppaga mas leat sámegiela duodjetearpmat dárogillii.

SVD Musea- ja historjásearvi Kárášjogas oažžu 50 000 ruvnno čalmmustahttit Sámi Čoakkáldaga 50-jagi ávvudeami.

Čáhcesullo joatkkaskuvlla sámi ossodat oažžu 6000 ruvnno gaskkustit árbevirolaš ealáhusdoaimmaid ja gárddástallama Gánešnjárggas. 

-Almmuhus-