FIERCA
21/3-19/4
Váldde eanet gulul dán vahkku.
Ale vikka bágget earáid dohkkehit iežat áššiid.
Hearkivuohta ja návccat oaidnit mii doaibmá ja mii ii doaimma lea mii buktá sukseassa.
Don leat áibbas álggus prošeavttas mii gáibida olu áiggi, barggu ja čuovvoleami.
Álgit garrasit dagaha ahte don váibbat, it ge de nákce ollašuhttit dan.
VUOKSÁ
20/4-21/5
Dál leat vuogas beaivvit geahčadit ovddos guvlui ja ipmirdit ollislaš gova.
Jus vel it mátkkoš ge fysalaš máilmmis, de sáhtát mátkkoštit iežat siskkildas máilmmis.
Dál sáhttá lea vuogas plánet boahtteáiggi.
Jus don oahpu gaccat, de lea dál vuogas áigi buot návccaid dasa bidjat.
De beasat háhkat olu ođđa dieđuid ja ipmárdusa oanehis áiggis. Áidna mii gáibiduvvo lea bargu ja dáhttu.
JUMEŽAT
21/5-21/6
Guldal maid earát lohket. Daja maid don duođas oaivvildat.
Humat olbmuin geat leat oahppásat guvlui ovdal go vuolggát mátkái. Jus galggat deaivat, leažžá dal čuoiganmátki dahje iežat siskkáldas mátki, de lea dehálaš geainnu suokkardit ovdagihtii.
It don dárbbat diehtit gosa áiggut, ovdal go juo vuolggát.
Jurdil bures ja muittaš meaddimiid maid leat dahkan ovdal, vai garvvát seamma meaddimiid oktii vel.
REABBÁ
22/6-22/7
Ale jurddahala maid earát oaivvildit, jurddašit ja hupmet du birra.
Jurddaš baicca dan maid don oaivvildat earáid birra. Huma dan birra maid don dovddat ja vásihat.
Ale vuordde ahte earát galget muitalit dan maid sii jurddašit du birra, ja du sávaldagaid, muhto čájet dan maid don jurddašat ja sávat.
De sáhtát oažžut olu fiinna, čiekŋalis ja árvvolaš deaivvademiid.
LEDJON
23/7-22/8
Dat mii dutnje addá stuorámus ilu dán vahkku, lea fuomášit dan mii lea du nu lahka ahte it oainne dan.
Sáhttet leat olbmot dahje vejolašvuođat.
Bisán áinnas ja jurdil.
Mii lea dat mii lea nu lahka ahte anát dan nu diehttelassan ja man it šat oainne dan, ja mii sáhttá duohtavuođas fállat dutnje mihá eanet go oba doaivvut ge?
BUHTISNIEIDA
23/8-22/9
Dál lea áigi boahtán hupmat dovdduid birra.
Áinnas čiekŋalis dovdduid – don dieđát dat mat sáhttet veahá unohasat, earenoamážit jus leat hutkkálaš.
Jurdil mii dutnje eanemusat mearkkaša.
Ale divtte balu goazadit dan maid don duođas háliidat.
VIEHKAT
23/9-22/10
Mat leat du dárbbut? Jurddašat go beare olu earáid birra, muhto vajálduhtát iežat dárbbuid?
Áimmahuššat dan mii lea lagamusas ja man eanemus árvvus anát leat dál dehálaččamusat.
Dál lea áigi du siskkáldas ja olgguldas ruovttu divodit (rupmaša dahje viesu). Ane fal iežat árvvus.
Ale bargga maidege mii du iežat mielas ii leat dehálaš ja árvvolaš.
Čájet iežat ilu ja ovdamorraša sidjiide geaidda liikot, it ge daidda geaid don háliidat galget dutnje liikot.
SKORPIUVDNA
23/10-21/11
Dus lea hui olu fápmu ja energiija, muhto váldde goitge gulul.
Ii leat mihkkege mainna hoahppu lea.
Mađi jaskadeabbo, dađi eanet oadjebasvuođa dovddat don. De oaččut eanemus fámu ja návccaid bargui.
Ale ohcal dahje dagat roasu iežat dahje earáid dovdduide.
Doaimmat barggu jierpmálašvuođain, várrogasvuođain ja ráhkisvuođain.
De fuomášat ahte buot dáhpáhuvvá jođáneappot ja garraseappot go ledje govahallan.
BÁHČČI
22/11-21/12
Dál leat don ožžon earenoamáš inspirašuvnna.
Divtte jurdagiid ja sániid bohciidit.
Don dieđusge sáhtát jeđđet earáid, muhto sii dárbbahit várra gullat du vásáhusaid ja ipmárdusa.
Stoaga sániiguin ja jurdagiiguin.
Filosofere iešokto dahje earáiguin ovttas. Jus galggat čállit dahje dadjat juoidá hástalusaid birra, de lea dát vahkku hui vuogas áigi dan dahkat.
Dus leat dál sánit fápmun. Geavat dan fámu.
BÁKTEBOHKKÁ
22/12-19/1
Daja «juo». «Juo» eallimii, «juo» alccet ja «juo» ođđa vejolašvuođaide. Daja «juo» juohke dagakeahtes bargui mii ferte dahkkot.
Leage dat manin don háliidat leahkit.
Jus háliidat ahte juoga galgá dahkkot, de álgge! Ale vuordde earáid. Jus háliidat ollet juosat, de čájet earáide geainnu.
Dan it daga go váccát earáid maŋis ja vikkat vuojahit sin, muhto go váccat ovdalis buorren ovdamearkan.
Leage dat jođiheaddji main don háliidat šaddat.
ČÁHCEOLMMÁI
Leage várrogas dainna maid dajat.
Olu vejolašvuođat ja geainnut leat dál rahppon, muhto ii leat sihkar ahte earát háliidit gullat daid vejolašvuođaid.
Ale vikka muitalit sidjiide geat eai hálit guldalit.
Dat dagaha dušše boasttuipmárdusaid ja unohisvuođa.
Leage dat mii leat, gal de earát ožžot ipmirdit du jus sáhttet ja áigot.
GUOLIT
19/2-20/3
Jus don goassege jurddašalat leat go dovddut vai jurdagat mat addet buoremus vástádusa dutnje, de lea dál áigi heaitit eahpedeames.
Lea du váibmu mii diehtá gii don leat, ja gosa don háliidat.
Dál don gávnnat návccaid, dáhtu ja fámu go guldalat iežat váimmu ja bargga de dan maid váibmu muitala.
Divtte váimmu guorrat bálgá ja aválljet geainnu.
Horoskopa ráhkadan: Atle Skretting, astrologa, NTB
