-Almmuhus-
GUOIMMUHEAPMI Čáhceolmmái galgá geahččalit iežas nieguid, fiercca bálggis ges lea čuvggodišgoahtán

Čáhceolmmái galgá geahččalit iežas nieguid, fiercca bálggis ges lea čuvggodišgoahtán

-

-

Dán vahku horoskohpa guoská njukčamánu 18.- 24. beivviide. 

FIERCA

21/3-19/4

Dál šaddá álkibun oaidnit bálgá, go lea čuvggodišgoahtán.

Don oaččut fálaldaga gieđahallat stuora fámuid.

Deháleamos dutnje lea dál leat gozuid nalde, ja váruhit ahte it geahččal bargat jođáneappot go nákcet.

Dál manná visot hui bures ja buot lea nu go galgá, ale ge de vikka lasihit leahtu.

It don dárbbat leat gierdavaš, muhto ane jierpmi ja čuovo eará vánddardeddjiid eallima bálgáid nalde.

 

VUOKSÁ

20/4-21/5

Jus dieđát gosa galggat, it ge eahpit alccet, de rahpasit olu uvssat hávskes ja ilolaš báikkiide.

Juogat buriid olbmáiguin.

Dál lea nu ahte mađi árvaseabbo leat, dađi eanet oaččut.

Iskka iežat ruohttasiid, divššo daid bures, ja atte daidda ealádaga.

Dán vahkku lea vuogas áigi seaguhit árbevirolaš diŋggaid ođđasit diŋggaiguin.

De lea dego gárvodit klassihkalaš biktasiin mas lea liigehearva.

 

JUMEŽAT

21/5-21/6

Buot áššiid sáhttá máŋgga bealis geahčadit dán vahkku, muhto eai álo leat buot válggat mat leat riekta, vaikko lea vejolaš daid válljet.

Dál lea áigi geavahit intuišuvnna praktihkalaččat.

Dán vahkku ii leat oaivi mii diehtá gosa geaidnu manná, muhto čiekŋalit ipmárdus mii dus lea siskkáldasat.

Muhto muitte fal geavahit oaivvi vai dádjadat go vuos leat gávdnan ja válljen dan geainnu gosa galggat.

 

REABBÁ

22/6-22/7

Čájet fal autoritehta jus dasa lea dárbu.

Geavat iežat givrodaga ale ge bala čuollamis iežat beali go dan dárbbahat.

Ale fal vuollán eará gievrras, dahje gáibideaddji, olbmuid dihte.

Doalat iežat oaiviliid ja rihko boares tabuid jus dan lea dárbbašlaš.

Várut fal earáin geat vigget addit dutnje heajos oamedovddu go it daga nu go sii háliidit.

Ale divtte earáid iežat stivret, muhto čuovo iežat jáhku.

 

LEDJON

23/7-22/8

Boađe eret seavdnjadasas čuovgga ovdii.

Čájet earáide gii don leat, earenoamážit jus liikot sidjiide.

Ale bala váldimis beare olu saji, muhto muitte árvvus atnit earáid ja juogadit singuin.

Jus leat beare njuolggosánálaš, de sáhtát seaguhit sin nu ahte eai deaivva gosa galget.

Geahččal baicca čuvget sidjiide bálgá, seammás go alccet maid čuvget.

Dát vahkku lea vuogas gávppašemiide ja ekonomiijai.

 

BUHTISNIEIDA

23/8-22/9

Bargga dan maid liikot.

Njulget buot áššiid ja ordnet diŋggaid lea juoga masa liikot.

Dál lea fiinna vahkku ja oainnát movt áššiid ieža ornašuvvet, jus buot smávva oasit leat rievttes sajis.

Du bargu lea geahččat mii duođas lea dehálaš ja anolaš, ja láže dili vai dat ovdána.

Ale bala ráhkisŧeamis dahje dadjamis ahte don dagat dan.

 

VIEHKAT

23/9-22/10

Bagadus buori vahkkui lea álki.

Álgge buot dehálepmosiin.

De galggat gávdnat ilu das.

Oza iežat originála hutkáivuođa, ja iskka sáhtát go duođas illudit ja stoahkat dan botta go čoavddát deháleamos bargguid.

Divtte iežat ilu čáppisvuhtii ja harmoniijai ovdánit nu bures go vejolaš.

De fuomášat ahte suohtastallat, dan lea dehálaš, ja leat ávkin, dat čuovvu nubbi nuppi.

 

SKORPIUVDNA

23/10-21/11

Huma earáiguin dan birra mii lea dárbbašlaš dahje masa dus lea atnu dán vahkku.

Du hástalus lea oažžut albma fámu iežat cealkámuššii nu ahte earát eai dovdda badjelgehččon.

Soaittát maid fertet fámuid čiekŋalasas vai ieš it badjelgehččo.

Du bargu lea oažžut sátnesaji ja sirret dan mii lea duohta ja dehálaš dutnje.

Jus earát eai ipmir, dahje eai leat ovttaoaivils, de lea dat ortnegis.

Du bargu lea luohttit ollásii alccet.

 

BÁHČČI

22/11-21/12

Go áiggut gávdnat iežat geainnu dán vahkku eanádagas, de fertet iskat kártta ja leat áicil.

Ii ávkkut vázzit seamma bálgá go buohkat earát.

Seammás it ábut dušše vázzit bálgás eret ja gállit luottaid mat eai leat boltojuvvon.

Nuppiin sániin de fertet dárkilit válljet bálgáid maid mielde vánddardat.

Geahča luonddu dovdomearkkaid, muhto muitte gii don leat, ja gosa leat mátkkis beroškeahttá das mii dáhpáhuvvá.

 

BÁKTEBOHKKÁ

22/12-19/1

Rievdadusaid áigi joatká ain.

Lihkus it dárbbat rihkkut vuđolaš eavttuid.

It dárbbat go nuppes struktureret dahje organiseret dan mii ii doaimma.

Pláne fal jierpmálaččat ja praktihkalaččat.

Dán vahkku sáhtát hukset ođđa diŋggaid.

Leage liigeáicil das ahte dajat nu čielgasit ja riekta go vejolaš.

Boasttuipmárdusat sáhttet jođánit ilbmat.

Dan seamma fertet das maid earát lohket dutnje.

 

ČÁHCEOLMMÁI

20/1-18/2

Don leat ieš stuorámus gáldu alccet gávdnat inspirašuvnna dán vahkku.

Dál lea áigi láddan geahččalit iežat nieguid ja eallit iežat ideálaid vuođul.

De fuomášat ahte don sáhtát eallit nu go ieš háliidat ja leat, ii ge dat billis gaskavuođa earáide.

Dál lea hui fiinna vahkku olbmástallat ja eallit sosiála eallima.

Nu beasat stoahkat ja illudit iežat taleanttaid ja astoáigehommáid dihte.

 

GUOLIT

19/2-20/3

Jus galggat gávnnahit gii don leat dán vahkku, de iskka iežat siskkáldasat.

Ale álgge olgguldas máilmmis.

Guldal iežat dovdduid ja áiccuid.

Jus beroštat beare olu das maid earát jurddašit ja dovdet, maid sii doivot, de massát juoidá alddát.

Du bargu dán vahkku lea čájehit earáide gii don leat.

Ale vikka sin oažžut ipmirdit manne don leat dakkár.

Jus álkit galgá dadjat, de dohkket gii don leat.

- Advertisement -
-Almmuhus-