Garra arvi daid beivviid dagahii ahte Sávkadasritta šattai losibun go láve dábálaččat.
Garra arvi daid beivviid dagahii ahte Sávkadasritta šattai losibun go láve dábálaččat.
Ovccinuppelogis serve dán jagáš Sávkadasrittai, mii lea 36 kilomehtera guhkkosaš meahccesihkkelastin Kárášjogas Váljohkii.
Garra arvi beivviid ovdal dagahii ahte dat šattai stánžaseamos gilvun man lágideaddjit leat goassege vásihan.
Ii oktage nissonolmmoš oassálastán
Liikká serve 15:s gilvoluohkáide ja njealjis lášmohallanluohkkái. Dušše guokte nissonolbmo ledje dieđihuvvon gilvui, muhto ii goabbáge sudnos dan dihte searvan.
Lea Kárášjoga sihkkelsearvi mii lágida daid gilvvuid.
Guovdageaidnulaš falimus
Ovccis serve gaskal 20- ja 49-jahkásaččaid dievdduid luohkkái. Lei ge guovdageaidnulaš, Per Aune Buljo, gii lei falimus. Son ádjánii 2:50:30 dan stánželuotta sihkkelastit.
Nubbin lei Stig Ronny Nilsen, badjelaš logi minuhta Buljo maŋábealde, ja goalmmádin Kato Norvang, fas 14 minuhta maŋábealde vuoiti.
