Nordlándda fylkkamánni áigu čađahit bearráigeahču Divttasvuona gielddas – Storjord bajásšaddangguovddážis.
Nordlándda fylkkamánni áigu čađahit bearráigeahču Divttasvuona gielddas – Storjord bajásšaddangguovddážis.
Dat dahko 48 vahkkus, dieđiha Nordlándda fylkamánni. Nordlándda fylkkamánni áigu bearráigeahččat fága- ja tiibmajuogu, mo skuvla bargá vai oahppit ohppet iešguđet fágaid ja ohppiid vuoigatvuođa oažžut sierraoahpahusa.
Váldočuoggát bearráigeahčus lea:
- fága- ja tiibmajuogu LK06-S (gealbolokten sámegielas)
- amasgielas/čiekŋudan/bargoeallinfágas ja válgafágas
- skuvlla iešguđet fága oahpahusbarggu
- dađistaga árvvoštallat ohppiid oahpama vai ohppet eambbo
- skuvlla bargu ohppiid ektui main lea vuoigatvuohta oažžut sierra oahpahusa.
Duogáš
Nordlándda fylkkamánni čilge sii fitnet bearráigeahččamin Storjord bajásšaddanguovddáža dilli ja ohppiid oahpahusdilli lea go gielda mearridii ahte nuoraidskuvlla oahppit galge oažžut oahpahusa Ájluovtta skuvllas. Ášši lea olu beaggán medias ja gielddastivra lea meannudan dan máŋgii dán čavčča. Maŋŋá go gielddastivra mearridii ahte nuoraidskuvlla oahppit fas galge oažžut oahpahusa Storjord bajásšaddanguovddážis, de oinnii Nordlándda Fylkkamánni dárbbu fitnat doppe geahččamin makkár oahpahusfálaldaga oahppit ožžot Storjord oahpahusguovddážis.
