-Almmuhus-
OĐĐASATBusse­streaika sáhttá šaddat hehtte­hussan Finn­márkui

Busse­streaika sáhttá šaddat hehtte­hussan Finn­márkui

-

-

Lávvordaga miessemánu 7. beaivvi váldojit buot bussevuoddjit Finnmárkkus streikii, jus bealit eai boađe ovttaoaivilvuhtii. 

Bearjadaga cuoŋománu 22. beaivvi botkejuvvojit bussešiehtadallamat. Soabadeapmi álgá miessemánu 5. beaivvi, ja áigemearri lea biddjon miessemánu 6. beaivái.

– Olles Finnmárku lea mielde vuosttaš streaikkas. Streaika čuohcá maid stuora osiide Oslo bussejohtolagas, ja seammás váldojit buot busseruvttot eret Bergenis ja gávpotbánas, muitala šiehtadallanjođiheaddji fidnojohtolatsearvvis Linda Jæger.

Fidnojohtolatsearvi, mii organisere beali riikka bussevuddjiid, váldá 74 vuoddji streikii Finnmárkkus jos soabadeapmi ii ovdán. Jæger maid čilge muhtun gáibádusaid šiehtadallamiin.

– Jos bussevuoddjit maŋŋonit logi minuvtta boradanboddui dahje bargoáiggi lohppii, de eai oaččo mávssu das. Mii gáibidat maid ahte busse sihkarvuođaiskkus galgá leat oassin dábálaš bargoáiggis ja ahte biddjo áigi dasa ovdal bussetuvra álgá. Mii fertet maid lahkonit bálkádási maid industriijabargit ožžot, loahpaha Jæger.

-Almmuhus-