Logi beaivvi bisttii bussestreaika. Duorastatiđit čovde soahpamuša.
Vuosttaš busset leat johtolagas fas duorastaga dii 12.
– Odne fertejit liikká olbmot gierddahallat doaibmanhušain olles beaivvi, čállá Yrkestrafikkforbundet preassadieđáhusas duorastatiđit.
Bálkálassáneapmi
Bálkálassáneapmi šaddá measta 20 000 ruvnnu juohke bussevuoddjái. Mii leat maid sihkkarastán ahte bargagohtet bussevuddjiid bargoáigediliin ja sihkarvuođain, muitala Fellesforbundet searvehoavda Jørn Eggum.
Duhtavaččat
NHO Fievrrideami hálddáhusdirektevra Jon Stordrange lea duhtavaš soahpamušain.
– Mii leat ilolaččat go streaika lea nohkan. Mielčuovvut besset fas čuovvugoahtit bussiid bargi, skuvlii ja astoáiggedoaimmaide, mii lea buorre birasseastimii ja sihkarvuhtii, muitala Stordrange preassadieđáhusas.
