Romssa ja Finnmárkku fylkagielddas leat rievdadeamen busseruvttuid ja váldobisánanbáikkiid 2023 čavčča. Erenoamážit Álttá, Čáhcesullo ja Kirkonjárgga gávpogis šaddet olu rievdadusat ja doaimmat.
Romssa ja Finnmárkku fylkagielda čilge preassadieđáhusas siva dán čavčča rievdadusaide, leat doaimmat mat bohtet eanetlohkui ávkin, sihke ekonomiijas ja mátkkošteaddjin leamaš ságas go vuoruhedje busseruvttuid. Dat váikkuha gávpotbussevuodjimii ja dávjjibut busseruvttofálaldagaide gávpotosiin ja guovlluin gos dál ii leat olus fálaldat. Ruvttofálaldagat mat unnán geavahuvvojit, rievdaduvvojit. Jus leat ruvttot gos leat uhcán mátkkošteaddjit guovlluide gos eai leat šat skuvlaoahppit geain lea láhkageatnegahtton skuvlasáhttu, de sáhttet dat heaittihuvvot dahje buhtaduvvot. Dat mearkkaša ahte muhtin ruvttot gaskaboddasaččat eai leat doaimmas geassit. Heaittihuvvon Flexx-ruvttut buhtaduvvojit skuvlaheivehuvvon Express-bussefálaldagain.
Ođđa bussefálaldagat
Ođas lea gávpotbusse Álttás, Kirkonjárggas ja Čáhcesullos (Ánnejohkii). Dasa lassin álggahuvvo Express-busse gaskal Álttá – Vuonnabađa ja Álttá – Hánssagietti. Maiddái ruvttu Deatnu – Avvil lea ođas, nu ahte šaddá vejolaš mátkkoštit Supmii ja Suoma ruvttubussiin, dahje máhccat Nuorgámii.
Dát ruvttut rievdaduvvojit
Eanaš ruvttut mat heaittihuvvojit dahje rievdaduvvojit, leat Flexx-ruvttut mat eai leat doaimmas geassit. Daid sadjái boahtá ođđa Express-bussefálaldat dahje dain leat menddo unnán mátkkošteaddjit vuođđun. Flexx-ruvttut mat eai leat geassit leat Flexx 811 Gilevuotna – Dyfjord, Flexx 817 Hønseby – Kjerringholmen, Flexx 812 Fálesnuorri – Jiepmaluokta, Flexx 824 Kirkonjárga, Jáhkkonjárga, Tårnet, ja dasa lassin Flexx 828 – Fálesnuorri – Klubbogohppi.
Flexx-ruvttu mii buhtaduvvo lea Flexx 806 Sirbmá – Deanu šaldi, muhto Flexx 816 Njávdámis eai leat doarvái mátkkošteaddjit. Dasa lassin heaittihuvvo ruvtto 809 Donjevuotna – Gáŋgaviika ja ruvtto 205 Fálesnuorri – Klubbogohppi go dat eai geavahuvvo.
Bisánanbáikkit ja nammarievdadusat
Deanušalddis sirdojuvvo Boreal busseterminálas Deanu šalddi guovddážii lahka ráđđeviesu. Ovdal leamaš Kirkonjárggas bisánanbáiki Kirkenes Amfi bokte, muhto sirdojuvvo Kirkonjárgga guovddážii lahka Scandic. Álttás bohtet ođđa bisánanbáikkit lassin guovddáža bisánanbáikái. Dat báikkit ožžot ođđa namaid ja álbmot ávžžuhuvvo daid dárkkistit.
