Eai goassege ovdal leamaš nu olu bussemátkálaččat go diibmá.
Eambbosat johtet bussiin Tromssa gávpogis. 2017:s registrerejuvvojedje 9.037.628 mátkkošteaddjireaissu.
Eai goassege ovdal leamaš ná olu mátkkošteamit.
– Ovddit jagi ektui leat mátkkoštanreaissut lassánan 3,5 proseanttain dahje 300.000 mátkkoštanreaissuin. Háliidan rámidit romsalaččaid go johtet dávjjit busse fárus, dadjá Tromssa johtolat ja biras fylkkaráđđi Ivar B. Prestbakmo.