Busses ledje 39 olbmo ja geavai eret E6-geainnus olggobealde Girkonjárgga duorastatiđida. Guđas sis leat geahppaset roasmmehuvvan.
– Lea veahá borgan mannan ija ja veahá bivaldan. Mii leat maid ožžon dieđuid ahte guorbmebiillat leat darvánaddan, nu ahte dál lea veahá njalkkas, dadjá Finnmárkku politiijaguovllus operašuvdnajođiheaddji Bjørn Tormod Syversen NTB:i.
Busse vujii luottas eret gaskal Strømmen šalddi ja Høybuktmoena, dieđihedje politiijat Twitteris. E6-geaidnu lei giddejuvvon Hessenga rájes girdišilljui, muhto dál lea rabas fas.
Buot 39 mielčuovvu busses leat ruoššat. Guđas mielčuovvuin ledje geahppaset roasmmehuvvan ja ožžot divššu dearvvašvuođabargiin.
(©NTB)
