-Almmuhus-
-Almmuhus-
KULTUVRA – Bures boahtin Hall of Fame:ii!

– Bures boahtin Hall of Fame:ii!

-

-

Nu dajai Lillebjørn Nilsen go geigii plakeahta Mari Boinii duorastaga.

Mari Boine, Jan Garbarek, Inger Lise Rypdal ja Ole Paus leat Rockheim Hall of Fame mushihkkamuseas ođđaseamos namat. Duorastaga ledje ávvudoalut ja eai váilon olbmot geat háliidedje gudnejahttit dán njealljása.

 

Stuora gudni

Ollu dovddus artistat gudnejahte Mari Boine. Peter Gabriel celkkii videodearvvuođaid bokte ahte Boine lea leamašan sutnje stuora inspirašuvdnan.

– Mus lea ruovttus okta boares orgel, maid don oktii jerret luoikkasin. Orron dalle njealljat gearddis, viesus mas ii lean heaisa, muhto dat gal ii lean váttisvuohta. Galggat beare luoikkahit dan fas. Lea stuora gudni munnje beassat sávvat dutnje bures boahtima Hall of Fame, dajai Lillebjørn Nilsen. Nu čállá Adressa aviisa iežas neahttasiiddus.

 

Čuojahii «Etno Jenny»

Gunnhild Sundli lei válljen dulkot Boine musihka «Etno Jenny», mii buvttii stuora mojiid Boinii.

– Dát lei nu erenomaš! Mus lei miella viehkat su Lusa ja dollestit su, muhto in diehtán lea go dat lohpi, dajai Mari Boine maŋŋel ovdanbuktindoaluid Adressa aviisii.

 

Seremoniija beasat oaidnit NRK1 kanálas ihttin, sotnabeaivvi borgemánu 16.beaivvi diibmu 19.55.

 

Rockheim

Rockheim lea našunála musihkkamusea. Rockheim galgá čohkket, vára váldit ja viidáset ovdanbuktit Norgga musihka 50-loguin otnážii. Rockheim lea Troandimis Brattørkaias.

Rockheim Hall of Fame galgá gudnejahttit olbmuid geat leat stuorrát mearkkašan musihka ovdáneapmái ja viidát olihan. Artistat/joavkkut geat erenomaš guhkás leat olihan, ja earát geat leat váikkuhan norgga musihkkahistorjjás besset Hall of Fame searvái.

- Advertisement -
-Almmuhus-