NORGA: Buozalmasjávkan njiejai 2 proseanttain vuosttaš kvartálas nuppi kvartálii, čájehit logut maid SSB ja NAV leat almmuhan.
Buozalmasdieđiheamit maid doaktárat dieđihit njiejai 1,6 proseanttain ja iešdieđáhusat fas njidje 4,5 proseanttain.
Jus ii geahča áigodaterohusaid, de lei doavtterdieđihuvvon buozalmasjávkan cuoŋománus, miessemánus ja geassemánus 5 proseantta. Dat lea 4,1 proseantta unnit go seamma áigodaga diibmá. Čilgehus dasa sáhttá leat ahte diibmá deive beassážat nuppi kvartála ja dán jagi fas vuosttaš kvartála. Beassážat váikkuhit bargobeivviid ja danne lassána buozalmasjávkanproseantta dan kvartálas masa beassážat deivet.
Nordlánda lei dat fylka gos lei eanemus buozalmasjávkan, doppe lei 6,7 proseantta jávkan. Finnmárkkus ja Romssas lei jávkan 6,6 proseantta. Oslo lea fylka gos lei unnimus jávkan, dušše 4,9 proseantta.
