-Almmuhus-
-Almmuhus-
SMÁVVAOĐĐASATBuozalmasvuođa­jávkan lea mealgat geahppánan Finnmárkku buohcci­viesus

Buozalmasvuođa­jávkan lea mealgat geahppánan Finnmárkku buohcci­viesus

Journalista

-

-

Finnmárkku buohcciviesus lea dál geahppánan buozalmasvuođajávkan. Earret eará leat Prehospitála bálvalusat bargan olu čuovvulemiin, láhčimiin ja loaktimiin.

Finnmárkku buohcciviesu buozalmasvuođajávkanmihttomearri lea ahte ii galggaše leat stuorát go 7,5 proseantta, čállá Finnmárkku buohcciviessu preassadieđáhusas. Eai leat velá nu guhkás joavdan, muhto 2024:s lea mannamin rievttes guvlui. Eanemus buozalmasvuođajávkan lea leamaš Prehospitála bálvalusaid klinihkas gos dat jávkan vuosttaš jahkebeale leamaš 6 proseantta. Diibmá lei buozalmasvuođajávkan 9,7 proseantta.

Dát klinihka fállá ambulánsabálvalusaid, pasieanttamátkkiid, AMK ja áibmoambulánssa. Klinihkkahoavda Trond Carlson muitala sii leat buorebut čuovvolan sin geat leat buohccindieđihuvvon ja láhčán buoret bargodili ovttasráđiid juohke bargiin. Son deattuha ahte sidjiide lea dehálaš váldit vára iežaset bargoveagas. Lohká dát lea buktán bargosadjái buriid bohtosiid.

-Almmuhus-