-Almmuhus-
OĐĐASAT Buozalmasvuođajávkan lassánan

Buozalmasvuođajávkan lassánan

-

-

Measta buot sámi suohkaniin lea lassánan doavtterdieđihuvvon buozalmasvuođajávkan.

Kommunal Rapport lea almmuhan loguid mat čájehit Norgga suohkaniid bargiid doavtterdieđihuvvon buozalmasvuođajávkamiid.  Logut čájehit man stuora proseantta buozalmasvuođajávkan lea suohkaniin gos leat eanet go 2000 ássi. Dat čájeha sihke buozalmasvuođajávkama vuosttaš jahkebeali dán jagi, ja man ollu rievdadeamit lea diimmáža vuosttaš jahkebeali rájes. 

Stuora erohusat lassáneamis

Logut čájehit ahte buot sámi suohkaniin leat lassánan logut diimmáža rájes. Stuorámus lassáneapmi lea Deanus, gos dán jagi lei 8,4 proseantta buozalmasvuođajávkan.  Lassáneapmi lea 72,10 proseantta diimmáža rájes. 

Snåeses lea 8,3 proseantta buozalmasvuođajávkan, ja lea lassánan 58,1 proseanttain diimmá rájes. Guovdageainnus lea 8,6 proseantta buozalmasvuođajávkan, mii lea 23,9 proseantta lassáneapmi.

Gáivuonas lea maid 8,6 proseantta, muhto dušše 9,2 proseantta lassánan. Porsáŋggus lea 8,9 proseantta, ja lassánan 14,6 proseanttain.

Unnimus buozalmasvuođajávkan lea Raarviikes, gos 6,5 proseantta buozalmasvuođajávkan lea. Dat lea 15,5 proseantta lassáneapmi.

Áidna sámi gielda, gos leat eanet go 2000 ássi  ja gos lea njiedjan buozalmasvuođajávkan, lea Kárášjohka. Doppe lea buozalmasvuođajávkan njiedjan 10,1 proseanttain.  Goitge lea Kárášjoga dat gielda gos gielddabargit leat eanemus jávkan doavttirdieđihuvvon buozalmavuođa geažil dán jagi vuosttaš jahkebeali.  Gielddabargiid doavttirdieđihuvvon buozalmasvuođajávkan lei 9,6 proseanta. 

- Advertisement -
-Almmuhus-