Mátkkošteaddjit geat eai beassan SAS mielde geasset, galget oažžut buhtadusa. Dan lohpida fitnodat, mii ii sáhte dadjat galli olbmos lea sáhka.
Girdistreaika geasset čuozai duhátviissa mielčuvvui ja mávssii girdifitnodahkii birrasii 1,4 miljárdda Ruoŧa ruvnnu. Golut lassánit danin go fitnodat ferte buhtadit mátkkošteddjiid mátki ovddas.
Buohkain, geat mátkkoštit siskkobealde dahje EU-riikkas, lea riekti buhtadussii jos girdi ii girdde dahje jos leat guhkit maŋŋoneamit.
SAS konseardnahoavda Anko Van der Werff dadjá ahte fitnodat lea váldán liigegolu mielde rehketstuhkkii áiggis ovddasguvlui.
– Buohkain, geain lea buhtadusgáibádus, ožžot buhtadusa, ja mii bargat dan maid sáhttit vai gieđahallat gáibádusaid maid leat ožžon. Mii árvvus atnit mielčuovvuid rivttiid, dadjá son.
SAS ja Anko Van der Werff eai sáhte vuos dadjat galli mielčuovvus lea sáhka, ja man guhká ádjána ovdal go buhtadus mákso.
(©NTB)
