Dán jagi ožžot buot bivdit digitála bivdovearrokoartta, ja bivdovearru máksojuvvo elektrovnnalaččat.
– Mis leat buorit vásáhusat 50 000 bivdiin geat 2019:s geahččaledje digitála čovdosa. Lei álkit bivdiide, veahkehii loktet sihkarvuođa, ja unnidii riskka láhppit dahje vajáldahttit duođaštusa. Dakkár digitála čovdosat leat maid effektiviseren hálddahusa, dadjá Birasdirektoráhta direktevra Ellen Hambro.
Buohkat geat áigot bivdit galget máksit bivdovearu. Ruđat mannet Viltfondii ja geavahuvvo nannet báikkálaš fuođđohálddašeami.
Leat oktiibuot badjel 500 000 registrerejuvvon bivdi Bivdiidregistaris. Sullii bealli dáin leat aktiivvat juohke jagi, ja mákset bivdovearu. Dán jagi ožžot buot aktiiva bivdit dieđuid ođđa bivdojagi birra, ja bivdovearu máksima Altinn bokte, iige reivves.
Go bivdovearu lea máksun, de boahtá leat digitála bivdovearrokoarta “Mu bivdosiiddus” Bivddiidregistteris. Duođaštus sáhttá vurkejuvvot telefovdnii jos válddat šearbmagova, dahje čálihit árkii. Jos lea dárkkástus de boahtá bivdobearráigeahčču lohkat QR-koda bivdovearrokoarttas.
