Lea dušše Guovddášbellodat mii vástida ahte eai leat leamaš áššit seksualálaš loavkašuhttima várás.
Lea dušše Guovddášbellodat mii vástida ahte eai leat leamaš áššit seksualálaš loavkašuhttima várás.
Dagsavisen lea čađahan jearahallamiid, ja dat čájehit ahte eanaš bellodagat Stuoradikkis dihtet áššiid main leat veahkaváldi, seksualálaš loavkašuhttin dahje eará unohis seksualálaš lahkoneamit.
Áidna bellodat mii ii loga diehtit lea Guovddášbellodat.
Bb:s eanemus
Bargiidbellodat lohká eanemus áššiid, vihtta. Olgeš ja Sosialisttalaš Gurutbellodat eai namut galle ášši leat registreren. Obbalaččat leat unnimusat 21 ášši, Bargiidbellodagas, Ruoksadis, Ruoná birasbellodagas, Guruhis, Ovddádusbellodagas ja Risttálaš álbmotbellodagas.
– Maŋemuš jagiid leat vihtta stuorit ášši leamaš, main mii leat leamaš oassin. Guokte ášši ledje siskkáldasat organisašuvnnas, golbma ledje olggobealde organisašuvnna, muhto olbmot geain ledje ámmáhat bellodagas ledje oassin áššis. Njealji áššis ledje politiijat mielde, lohká BB bellodatčálli Kjersti Stenseng aviisii.
Rievddada maid bellodagat ieža leat váldán mielde go leat lohkan áššiid. Sii sáhttet iešguđet ládje árvvoštallan duođalašvuođa, makkár dásis lei, ja dáhpáhuvai go bellodaga oktavuođas vai ii. (©NTB)
