Maiddái skábmamánnu šattai buorre mánnu geainnuid alde Davvi-Norggas. Gaskaboddosaš logut čájehit ahte ii geavvan oktage jápminlihkuhisvuohta mannán mánu.
Maiddái skábmamánnu šattai buorre mánnu geainnuid alde Davvi-Norggas. Gaskaboddosaš logut čájehit ahte ii geavvan oktage jápminlihkuhisvuohta mannán mánu.
Dat mearkkaša ahte dán čavčča, čakčamánus skábmamánnui, eai leat leamaš jápminlihkuhisvuođat johtolagas Davvi-Norggas, dieđiha stáhta geaidnodoaimmahat preassadieđáhusastis.
Dat lea vuosttaš geardde go nu lea dáhpahuvvon dan rájes go Stáhta geaidnodoaimmahat leat álgán registreret lihkuhisvuođagaskkaid 1977 rájes.
Seamma lohkku
Status jagi 2016 lea ahte 16 olbmo leat duššan johtolagas dán rádjai. Dat lea seamma lohkku go lea leamaš maŋemus guokte jagi skábmamánu loahpas. Gaskamearalaččat maŋemus vihtta jagi leat gaskkal 20 ja 21 olbmo duššan johtolagas jagi vuosttaš 11 mánu.
Lassáneapmi smávit lihkuhisvuođain
Govva ii leat lihkka seamma positiiva mii guoskka johtolatlihkuhisvuođaide gos leat unnibuš vahágat. Gaskaboddosaš logut čájehit ahte lea 15-20 proseantta lassáneapmi diimmá ektui lihkuhisvuođain gos olbmot leat geahppasit roasmmehuvvan. Seammás ferte váldet vuhtii ahte diibmá logut ledje buot unnimusat 1957 rájes.
