Odne vuođđuduvvui Kárášjoga gielddastivra, dál lea Svein Atle Somby sátnejođiheaddji. GEAHČA VIDEO:
Odne vuođđuduvvui Kárášjoga gielddastivra, dál lea Svein Atle Somby sátnejođiheaddji. GEAHČA VIDEO:
Odne lea Kárášjogas vuosttaš gielddastivrračoahkkin 2015-2019 áigodagas, gos vuođđudedje ođđa gielddastivrra. Svein Atle Somby, Bargiidbellodagas (Bb), lea dál sátnejođiheaddji ja John Nystad Sámeálbmot Bellodagas (SáB), ges várresátnejođiheaddji.
Ođđa sátnejođiheaddji giittii Guovddášbellodaga (Gb) Anne Toril Eriksen Balto, dan barggu ovddas maid son dagai mannan njeallje jagi go lei Kárášjoga sátnejođiheaddji.
Somby giittii maid ovdagotti luohttámuša ovddas. Geahča video, mii šállošit heajos jietnadási ovddas.
Govven: Anne Rasmus
Gieskat vuolláičálle Bb, SáB, Johttisámiid Listu (JL) ja Olgeš (O) ovttasbargošiehtadusa ođđa gielddastivraáigodaga várás. Beaivvi mielde čielgá geat guđe ge lávdegoddái válljejuvvojit. Ovdagoddi goittot lea jo válljejuvvon, dan láhtuid oainnát vuollelis.
Loga maid: – Stuorra hástalusat jo juovlamánus
Ovdagoddi 2015-2019:
Svein Atle Somby (Bb)
John Nystad (SáB)
Vivian Boine (Bb)
Anne Toril Eriksen Balto (Gb)
Lars Haugan (RáB)
Várreláhttut:
Kjell Magne Grønnli (Bb)
Mette Anti Gaup (JL)
Frøydis Andersen Lindseth (Bb)
Knut Johnsen (Bb)
Torgrim Fredeng Kemi (O)
Amund Peder Teigmo (Gb)
Anny Østby (Gb)
Hege Joks (Gb)
Geir Ole Fredeng (Gb)
