-Almmuhus-
GUOIMMUHEAPMI– Buorre dovdu veahkehit earáid 

– Buorre dovdu veahkehit earáid 

-

-

– Son jurddaša álot mánáid ja sin bearrašiid birra, čállá son gii lea evttohan Ulrikke árgabeaisáŋggárin.

Ulrikke Romsdal Kristiansen bargá Guovddaš mánáidgárddis ja lea bargan doppe 2020 rájes go gearggai mánáidgárdeoahpaheaddjeskuvllas. 

Lise Lillemoen Bals muitala ahte Ulrikke álo jurddaša mánáid ja sin bearrašiid birra.

– Ulrikke gođđá skeaŋkkaid go mánáidgárdemánat ožžot unnaoappážiid dahje unnavieljažiid. Son maid álot fállá veahkehit earáid jus lea dárbu, ja jus dárbbašit veahki leaš go maŋŋel gaskabeaivvi vai vahkkoloahpaid, čállá Lise Lillemoen Bals.

Jávohuvvá

Go Ávvir deaivá Ulrikke ja geige sutnje skeaŋkka, de Ulrikke jávohuvvá ja jearrala imaštemiin manne son oažžu skeaŋkka. Ávvir čilge manne ja gii lea evttohan su.

– Ojá, hui somá, moddjá Ulrikke ja rahpá skeaŋkka dan botta go mánát čuvvot dárkilit mielde.

Juovlamánu geiget mii Ávviris juovlafuomášumi olbmuide geat ánssášit liigefuomášumi barggu ovddas maid dahket illun earáide. Cavgil midjiide gii ánssášivččii juovlafuomášumi. Čális e-poastta post@avvir.no. Čális oanehaččat manne juste dat olmmoš ánssášivčče juovlafuomášumi.

-Almmuhus-