Dál ii leat go vuordit bohtosiid go dál lea nohkan jienasteapmi. Sátnejođiheaddjeevttohasat Guovdageainnus eai duostta vel illudit, vaikko leat ožžon buriid signálaid.
Dál ii leat go vuordit bohtosiid go dál lea nohkan jienasteapmi. Sátnejođiheaddjeevttohasat Guovdageainnus eai duostta vel illudit, vaikko leat ožžon buriid signálaid.
– Leat hirbmat gealdagasas, mis lea goit hui buorre dovdu go leat leamaš olu olbmot min tealttá luhtte. Orru manname bures, muhto in duostta nu beare buori bohtosa gal vuordit.
Nu dadjá Bargiidbellodaga sátnejođiheaddjeevttohas Johan Vasara.
GEAHČA VIDEOID DÁS VUOLLELIS MOVT GUOVDAGEAINNUS LEI OVDAL GO JIENASTEAPMI NOGAI!
Johttisámi listtu sátnejođiheaddjeevttohas Anders S. Buljo ii ge duostta nu bearehaga illudit, vaikko lohká leat hui buori doaivaga.
– Dovdu gal lea hui buorre. Lea leamaš hui somás beaivi. Mus lea hui buorre doaivva go lean hupman olbmuiguin, sihke jienasteddjiiguin ja listoáirasiiguin, nu ahte jáhkán olahit buori bohtosa, dadjá Buljo.
– Naba jus ii mana bures?
– De gal skurtnjagan ja válddán iežan sivvan dan, dadjá Buljo.
Sámeálbmotbellodaga sátnejođiheaddjiávnnas Klemet Erland Hætta maid dovdá ahte varra ruohtada jođáneappot.
– Olmmoš šaddá eambbo ja eambbo sáhkkii movt manná, dadjá son mojunjálmmiid.
Videot: Sergey Gavrilov
