Čakčamánu rájes galgá DAB-fierpmádat buorránan.
NRK jotket DAB-fierpmádaga buoridemiin čavčča rájes. Borgemánus ja čakčamánus galget ođđa sáddenbiergasat juo leat sajis.
Ođastit
NRK radiodistribušuvnna hovdii lea dehálaš ahte olbmot dieđihit jus DAB ii doaimma.
– Mii bidjat ođđa sáddenbiergasiid buoridan dihte obbalašgokčama, dadjá NRK radiodistribušuvnna hoavda, Petter Hox. Hox lea ge okta sis gii lea vuodján miehtá Norgga dárkkistan dihte DAB-fierpmádaga. Vuodján oktiibuot lagabui 50 000 kilomehtera.
– Mii bidjat ođđa sáddenbiergasiid dohko gosa dárkkistemiin čájehuvvo ahte dárbbaša, ja dávjá dohko gosa guldaleaddjit gáibidit, dadjá Hox guhte ávžžuha guldaleddjiid váldit oktavuođa NRK:in jus leat gažaldagat dahje váttisvuođat.
Finnmárku lea okta dain fylkkain gos galgá buoriduvvot.
