Porsáŋggu gieldda ruovttubálvalus áigu ovtta áigodaga dás duohko bidjat fuomášumi vuorrasiid oadjebasvuhtii geat ásset ruovttus.
Guhtta logi lihkuhisvuođas sin gaskkas geat leat badjel 65-jahkásaččat dáhpáhuvvet ruovttus dahje lahka ruovttu. 80-90 proseantta vahágiin mat dáhpáhuvvet ruovttuin leat gahččanlihkuhisvuođat sin gaskkas geat leat badjel 65-jahkásaččat, čállá Porsáŋggu gieldda.
Porsáŋggu gieldda ruovttubálvalus lea bidjan fuomášumi hástalussii ja lea dan oktavuođas čalmmustahttán movt sáhttá buoridit oadjebasvuođa ruovttus.
– Okta ovdamearka lea bijahit kievkkanuvdnafávtta eastadan dihtii buollima, ja muddet láhtteránuid geavaheami viesus ja muddet viessobiergasiid sirdimiid, čállá Porsáŋggu gielda. Dan oktavuođas juohká gielda maid Servodatsihkarvuohta- ja gearggusvuohtadirektoráhta bláđi «Fokus» ruovttubálvalusa geavaheddjiide.
– Bláđis leat ollu buorit árvalusat maid olmmoš sáhttá dahkat vái šaddá eambbo oadjebas orrut ruovttus. Ruovttubálvalus čájeha veahkkin gos háhká veahkkeneavvuid, čállá Porsáŋggu gielda.