Golmmas njealji olbmos Tromssas ja Finnmárkkus oaivvildit ahte ii berre juhkat alkohola go vuodjá fatnasiin.
– Mii leat movttegat go nu olusiin Tromssas ja Finnmárkkus leat buori guottut, ja go oaivvildit ahte alkohola ja fanasvuodjin eaba gula oktii. Sis leat buoremus guottut olles Norggas, iskosa dieđuid mielde, dadjá Katrine Gaustad Pettersen, doaimmaheaddji generálačálli alkoholaorganisašuvnnas Av-og-til.
Dat čájeha ahte 75 proseantta álbmogis Tromssas ja Finnmárkkus oaivvildit ahte ii berre juhkat obanassiige go vuodjá fatnasiin, ja 14 proseantta oaivvildit ahte berre juhkat eanemusat 2 ovttadaga alkoholas.
Bealli sis geat diibmá dušše mearas ledje juhkan alkohola dahje ledje gárrendilis.
