Intensiiva čuovvulemiin ja positiivvalašvuođain lea vejolaš oažžut nuoraid geat heitet joatkkaskuvllas fas ruovttoluotta luohkálatnjii – ja fuolahit ahte bissot doppe.
Golmmas juohke logát nuoras heitet joatkkaskuvllas. Dát lea stuora nationála váttisvuohta, ja oažžu olu fuomášumi, sihke politihkkariin ja medias.
Vuosttašamanuensa Gro Ramsdal UiT:s lea dutkan dán váttisvuođa máŋga jagi.
– Dán problematihkas leat olu jurdagat, muhto okta váldočuokkis lea ahte háliidit eambbo dutkama mo sáhttá oažžut oahppi fas skuvllii, čilge Ramsdal preassadieđáhusas.
– Dát oahppit dárbbašit eambbo oktavuođa ollesolbmuiguin, eai sáhte báhcit okto go dan eai nákce. Jos galgá doalahit sin skuvllas, de ferte addit intensiiva čuovvuleami ja stuorra osiid hálddašanvásáhusaid. Dát gáibida ođđa árvalusaid, maiddái otná skuvlavuogádagas, dadjá Ramsdal.
