-Almmuhus-
-Almmuhus-
-Almmuhus-
OĐĐASATBuoret bohtosat matematihkas

Buoret bohtosat matematihkas

-

-

Dán jagáš oahppit leat olahan buoret bohtosiid matematihkkaeksámeniin.

Odne almmuhii Oahppodirektoráhtta gaskaboddosaš árvosátnestatistihkaid giđđaeksámeniin vuođđoskuvlla ja joatkkaskuvlla dásis.

– Lea positiivvalaš oaidnit ahte Norgga ohppiin buorránit eksámenárvosánit matematihkas. Maŋŋel evaluerema 2015:s dagaimet veahá rievdadusaid maid doaivut buoridan kvalitehta eksámeniin ja sensuvrra, dadjá Oahppodirektoráhta divišuvdnadirektevra Sissel Skillinghaug preassadieđáhusas.

 

Nieiddain buoret bohtosat go bártniin

Nieiddain leat obbalaččat buoret árvosánit eksámeniin go bártniin. Nu lea sihke vuođđo- ja joatkkaskuvllas. Nieiddain lea gaskamearálaččat 0,6 árvosátnečuoggá buoret go bártniin dárogiel eksámenis, sihke vuosttaš ja nubbegiellan. 

 

Fágain nu go eaŋgalasgiella, praktihkalaš matematihkka, fysihkka 2 ja kemiija 2 leat bohtosat bártniin ja nieiddain sullii seamma.

 

Maid muitalit eksámenbohtosat?

Eksámenárvosánit čájeha makkár gelbbolašvuođa oahppi lea čájehan eksámenis. Go bargobihtát leat iešguđetláganat jagis jahkái, de rievddadit maid gaskamearálaš árvosánit. Danne ii sáhte buohtastahttit eksámenbohtosiid jagis jahkái.

 

Loahpalaš bohtosat bohtet čakčat.

-Almmuhus-