Go buot heahteveahkit ožžot dieđu vuolgit seamma báikái, de leat buollinčaskadeaddjit dávjjit ja dávjjit lihkohisvuođabáikkis vuosttažin.
Go buot heahteveahkit ožžot dieđu vuolgit seamma báikái, de leat buollinčaskadeaddjit dávjjit ja dávjjit lihkohisvuođabáikkis vuosttažin.
Go 110-heahtenummirii čuojahuvvo, de galget sihke čáskadeaddjit, politiijat ja dearvvašvuođabargit vuolgit báikái.
Servodatsihkkarvuođa- ja gearggusvuođadirektoráhta logut čájehit ahte buollinveahka lea dávjjit lihkohisvuođabáikkis go ovdal.
Politiijat ledje vuosttažin lihkohisvuođabáikkis 17,5 proseantta dáhpáhusain 2016, muhto dán jagi ledje vuosttažin dušše 15,3 proseantta dáhpáhusain.
Badjel bealis vuosttažin
Buollinveahka bođii vuosttažin 54,8 proseantta lihkohisvuođain 2018:s.
Guovtti jagi áigi ges ollejedje lihkohisvuođabáikkiide vuosttažin 49,6 proseantta dáhpáhusain.
Reasta lihkohisvuođaide bođii ges ambulánsa vuosttažin.
Finnmárkkus njeidjá eanemusat
Finnmárkku politiijat ledje vuosttažin masá juohke nuppi lihkohisvuođas 2016:s, muhto dán jagi lea dát lohku njiedjan 12,3 prosentii.
Dá lea stuorámus njiedjan buot Norgga politiijaguovlluin.
– Dán vuohttit ieža maid ja dát dáhpáhuvvá eiseválddiid mearrádusaid geažil. Min politiijaguovllus geavahuvvo gearggusvuođaváktaortnet sihke vahkkoloahpaid ja ijaid. Dat mearkkaša ahte ádjánat vuolgit johtui go juoga dáhpáhuvvá, ja dasa lassin leat mis guhkes gaskat Finnmárkkus, dadjá Finnmárkku politiijaid oktasašlihttu jođiheaddji Bjørn Tharaldsen Politiforumii.
(©NTB)
