-Almmuhus-
-Almmuhus-
OĐĐASAT Buollin­veagain ollu bargu juovla­mánus

Buollin­veagain ollu bargu juovla­mánus

-

-

Okta viđa olbmos mieđiha vajálduhttan gintaliid buollit go ieš lea mannan olggos dahje ribahan nohkkat.

Logut bohtet ovdan iskkadeamis maid Norstat lea dahkan Frende dáhkádusfitnodaga ovddas. 

– Ii galgga goassege guođđit gintaliid buollit go ieš ii leat lahkosis oaidnime daid, dadjá Frende dáhkádusfitnodaga áššedovdi Øystein Øren. 

Dán jagi álge olusat árrat juo gintaliid boaldit ja juovllaid ládje čiŋahit viesuid. 

– Ale bija gintaliid gardiinnaid dahje eará tekstiillaid lahka. Seamma lea báhpiriiguin ja čiŋaiguin mat sáhttet buollát. Muitet álo bidjat buori gaskka gintaliidda, lohká Øren. 

LED-čuovggat

Preassadieđáhusas boahtá ovdan ahte dolla ovdána jođánit, ja ahte golmma minuhtas sáhttá viessu buollán duođas. 

Dása lea Ørenis čoavddus. 

– Dán áigge gávdnojit ollu buorit ja fiinna gintalat ja čuovggat mat adnojit batteriijaiguin ja maid sáhttá láddet. Dáin ii leat dolla, ja de ii leat báljo buollinvárra. Mun ávžžuhan olbmuid áinnas dakkár čuovggaid geavahit, dadjá Øren. 

-Almmuhus-