-Almmuhus-
OĐĐASATBuollin váikku­han girdi­johtolahkii

Buollin váikku­han girdi­johtolahkii

-

-

Buollinveahka lea olles ija čáskadan buollima Sola girdišilju parkerenvisttis.

Disdaga maŋŋelgaskabeaivvi bođii diehtu ahte okta biila lei buollán parkerenvisttis Sola girdišiljus. Easka gaskaija nagodedje bissehit buollima leavvamis, muhto leat ija miehtá bargan čáskademiin, dieđiha Stavanger Aftenblad. Buollinveaga hoavda lohká aviisii sin árvvoštallet ahte doppe ledje birrasii 300-400 biilla mat bulle.

Doppe lei buot girdijohtolat bissehuvvon dan botta, muhto NTB dieđiha ahte gaskavahku iđida rahppui fas girdišillju. Vurdojuvvo ahte odne sáhttá leat maŋŋoneapmi, ja mátkkošteaddjit berrejit ieža dárkkistit goas sin girdi vuolgá.

.

-Almmuhus-