Buot heahteetáhtat leat báikkis, ja dieđihuvvo ahte leat nagodan čáskadit dola.
Duorastaga iđđesbeaivvi dieđihii Finnmárkku politiijaguovlu iežaset Twitter-siiddus ahte politiijat leat ovttas ámbulánssain ja buollinčáskadeddjiiguin báikkis go ožžo dieđu buollima birra muhttin viesus Girkonjárggas.
Eai lean olbmot viesus
Finnmárkku politiijaguovllu operašunjođiheaddji, Jan Olav Schjælberg, muitala iFinnmarkii ahte eai leat olbmot viesus.
– Orru nu ahte buollin lea vuolgán stobus. Eai leat olbmot viesus, go olmmoš gii lei doppe lea beassan olggos, lohká son.
Dieđihuvvo ahte leat nagodan čáskadit dola.
