Buollašat váikkuhit eanet elfámu geavaheapmái ja divrras elfápmohattiide Davviriikkain, čállá NVE.
Mannan vahku buollašat lasihedje elfápmogeavaheami Davviriikkain. Norgga elfápmogeavaheapmi lei 3 461 GWh, mii lea 11 proseantta eambbo go vahku ovdal. Maŋimuš viđa jagis eai leamaš galle vahkku go elfápmogeavaheapmi leamaš eanet go mannan vahkus. Buolaš ja alla elfápmohattit Eurohpás dagahii ahte Davviriikkain lassánedje elfápmohattit eanet ovddit vahku ektui, čállá NVE (Norgga čázádat- ja energiijadirektoráhtta).
Máddin Norggas lei elfápmohaddi mannan vahkus birrasii 1,6 kr/kWh, ja davvelis Norggas lei haddi 1,4 kr/kWh. Nu alla vahkkohattiid eat leat vásihan Norggas 10 jahkái. Elfápmohaddi lei erenoamáš allat mannan vuossárgga veaigin go Mátta-Norggas lei haddi dalle badjelaš 4 kr/kWh muhtin eaŋkiltiimmaid.
Norgga elfápmobuođuin lei mannan vahku 65,8 proseantta čáhci ja njiejai 3,1 proseanttain. Gaskamearálaččat lei elfápmobuođuin 2001-2020 áigodagas 78,4 proseantta čáhci. Eanemus čáhci lea dál Davvi-Norgga elfápmobuođuin 78,1 proseantta ja uhcimus lea Máttaoarje-Norggas gos ii leat go 58.7 proseantta.
