Vuot veahá buolaštan eanas guovlluin Davvi-Norggas, muhto eará báikkiin leat fas bivvalet go goassege lea leamašan.
Lea mearka go sosiála mediain álget olbmot bidjat govaid temperatuvramihttidsnrustegiin, ahte dalle lea hui buolaš dahje hui bivval, dahje juo dálki dahje eará dálkesorta.
Dán háve leat buolašgovat.
Muhtun sajiin Guovdageainnus leat mihtidan gitta 38 buolašceahki, muhto almmolaš dálkedieđáhusat, nu go yr.no ja Storm, čájehit birrasiid 30 buolašceahki.
Muđui Eurohpás lea fas issoras bivval leamašan, ja nu go Polenis, gos lea mihtiduvvon 19 lieggaceahki vuosttaš beivviid ođđajagis. Dat lea birrasiid 18 lieggaceahki lieggaset go dábálaččat galggašii leat. Dan čállá Birasdirektoráhta.
Muđui lea maid Stora Británnias, Irlánddas, Frankriikkas ja Spanias leamašan lieggaset mannan jagi go goassege lea leamašan.
