Ráđđehus áigu láhčit dili vai lea vejolaš háhkat alitoahpu ruovttus.
Ráđđehus áigu geavahit 90 miljovnna ruvnnu vai šaddá álkibun háhkat oahpu boaittobeale guovlluin ii ge dárbbaš fárret eret ruovttus.
– Buohkat galget oažžut vejolašvuođa váldit alitoahpu. Máŋggas dárbbašit gelbbolašvuođaloktema barggu geažil ja sis lea bearaš. Danne dárbbašit mii eambbo oahpuid mat leat gáiddusoahpahusas, neahta bokte, čoahkkanemiid bokte dahje leat dásseáiggis, dadjá dutkan- ja alitoahppministtar Iselin Nybø preassadieđáhusas.
