Girkonjárgga ođđa buohcciviessu boahtá fatnasiin Duiskkas, ja lea jođus davás.
Girkonjárgga ođđa buohcciviessu boahtá fatnasiin Duiskkas, ja lea jođus davás.
Buohcciviesu fievrredit fatnasiiguin Rotterdamas Girkonjárgii. Leat 65 oasi mat galget fievrreduvvot davás ja visttit leat ráhkaduvvon Cadolto Fertiggebäude fabrihkas Nurnbergas dán dálvvi.
Vuosttaš fatnasa, mas dat 65 oasi, vurdet ollet dál. Juohke oassi lea birrasii 16 mehtera ja deaddá birrasii 40 tonna. Juohke oasi dolvot huksenbáikái spesiálabiillaiguin eahkediid ja ijaid vai eai hehtte johtolaga.
Vurdet gárvánit maŋit geasi
Sihke Duiskka ja báikkálaš fitnodagat galget buot osiid bidjat čoahkkái ja bargu bistá gitta čakčamánu lohppii. Jahkemolsašumis galgá nubbi ja goalmmát geardi leat gárvvis. Buohcciviesu vurdet gárvánit 2017 geassái jus buot manná plánaid mielde.
Oktiibuot leat 300 oasi mat galget fievrreduvvot huksenbáikái, čállá Finnmárkku buohcciviessu preassadieđáhusas.
