Romssas lea golbma ođđa olbmos duođaštuvvon koronavirus ja Davvi-Norgga universitehtabuohcceviesus dikšot guhtta koronabuohci.
Romssa suohkan dieđiha ahte maŋŋebárgga registrerejedje golbma ođđa koronanjoammuma. Buot golmmas leat lagas oktavuođat eará koronabuohcciide.
Oktiibuot čađahedje Romssa gávpogis 618 koronaiskosa ikte, 23 dáin leat jođánisiskosa.
Dál leat 87 olbmo isolašuvnnas ja 497 olbmo erremis.
Guđas buohcceviesus
Davvi-Norgga universitehtabuohcceviessu dieđiha gaskavahkku ahte dikšot guhtta koronabuohcci Romssas.
Koronapasieanttat lea lassánan guvttiin olbmuin ievttá rájes.
