Maŋimuš jagi lea Norgga buohccedivššárváilivuohta lassánan 47 proseanttain. Dát sáhttá váikkuhit pasieanttasihkkarvuhtii, oaivvilda Norgga buohccedivššársearvi.
Maŋimuš jagi lea Norgga buohccedivššárváilivuohta lassánan 47 proseanttain. Dát sáhttá váikkuhit pasieanttasihkkarvuhtii, oaivvilda Norgga buohccedivššársearvi.
Norgga bargo- ja čálgoetáhta fitnodatguorahallan čájeha ahte Norggas váilot 5900 buohccedivššára dahje spesiálabuohccedivššára.
Diibmá váilo 4000 virggis buohccedivššára, čállá NRK.
Kriisadilli
Norgga buohccedivššáriid searvvi jođiheaddji Eli Gunhild By lohká dán roassodillin.
– Go eai leat doarvái buohccedivššárat barggus, de sáhttet ovdamearkka dihtii buohccit oažžut boasttu dálkasiid. Pasieanttat eai dáidde oažžut doarvái buori divššu infekšuvnnaide ja psyhkalaš váttuide, dadjá son.
Lassi ruđat
Norgga buohccedivššáriid searvi oaivvilda ahte bargoaddiin lea stuora ovddasvástádus, muhto deattuhit ahte eiseválddit fertejit luvvet lassi ruđaid suorgái.
Dearvvašvuođa- ja fuolahusministtar Bent Høie dovddasta ahte buohccedivššárváilivuohta lea dieđihuvvon roassun.
– Maŋimuš jagiid leat virgádan badjel 12 000 buohccedivššára sihke gielddaide ja buohcceviesuide. Mii leat maid bidjan searaid buohccedivššárohppui ja gáibidan ahte buohcceviesut galget unnidit oasseáiggevirggiid, lohká son.
Høie dadjá ahte guorahallama logut čájehit ahte lea stuora buohccedivššárváilivuohta Norggas ja ahte danin lea dehálaš ahte studeanttat čađahit buohccedivššároahpu.
