-Almmuhus-
KULTUVRA"Buljoráidu" geasuha olbmuid

“Buljoráidu” geasuha olbmuid

Journalista

-

-

Davvi-Norgga Feastaspealut Haršttas leat geasuheaddji sámi artista ožžon fárrui gii čuojaha guhtta konsearta Feastaspealuin.

Dál lea vahkku vel gitta Festspillene i Nord-Norge álgá ja riemuin dán jagi lea sámi profiila mat leat hui geasuheaddját. Lágideaddjit muitalit jo vuovdán buot bileahtaid guovtti dain guđa konsertii maid feastaspealuprofiila Georg Buljo čađaha. Konseartaeahkedat «Samisk gourmet» ja «Under nordlige stjerner» čájálmasaide leat buot eanemusat ovdagihtii ostton bileahtat ja eai leat šat eanet bileahtat vuovdit.

– Lean erenoamaš ilus dan sámi deattu maid featsaspealut leat bidján prográmmii, ja ilus dan erenoamaš musihkka ovddas mii boahtá min oarjjabealde. Lea boktán stuora ja buori beroštumi gehččiide, muitala Feastaspealuid direktevra Tone Winje.

 

Biebmu ja konsearta

«Samisk gourmet» eahkedii lea Georg Buljo ožžon fárrui Niko Valkeapää ja Per Willy Aaserud. Lassi musihkkii ožžot geahččit vel njálgga biepmu boradit, ja konsearta lea Røkenes gárdimis.

 


Mari Boine. Preassagovva Tine Poppe.

Dáruiduhttin

«Under nordlige stjerner» lea čáppá, jurddašalli ja hástaleaddji čájálmas váttis osiid birra movt dáruiduhttin lea váikkuhan Sámis. Čájálmasas lea Mari Boine, Brita Pollan ja Georg Buljo.

 

“Buljoráidu”

Lágideaddji gohčoda dán guđa konsearta Buljoráidun. Eará konseartat maid Georg Buljo čađaha leat «MAZE», konsearta ovttas Marja Helena Fjellheim Mortensson, konsearta ovttas Takula joavkkuin, ja loahpaha “Buljoráiddu” bearáščájálmasain «Marja og Magedragen» ovttas Sarakka Gaup:ain.

-Almmuhus-