Norgga olgoeallinsearvi ávžžuha olbmuid mannat olggos juovllaid, mánáiguin stoahkat. Sis leat muhtin ráje árvalusat olgodoaimmaide.
Juovllaid ovttastallet olbmot ja čohkkejit buriid vásáhusaid.
Norgga olgoeallinsearvi oaivvilda ahte heive olgun buđaldit.
– Dán áigge hohpohallet olbmot materiála diŋggaid geažil, muhto lea dehálaš muitit ahte mánáide lea deháleamos oažžut áiggi ollesolbmuiguin juovllaid áigge. Mun rávven váhnemiid váldit mánáid fárrui olggos suohtastallat, dalle gal lihkostuvvet juovllat, dadjá searvvi generálačálli Lasse Heimdal preassadieđáhusas.
Árvalusat olgodoaimmaide
Norgga olgoeallinsearvi lea čohkken gávcci árvalusa olgodoaimmaide:
Guora elliid luottaid
Ráhkadehpet muohtaáddjá, muohtačuovgga, muohtaiglo
Skeittástallat
Dolastallat
Oaggut
Čuoigat
Čierastallat
Geahččat násttiid