Doarjja galgá gokčat áiggi goas vuorrasat sáhttet dovdat oktonasvuođa koronapandemiija geažil.
Stádahálddašeaddji čállá iežaset neahttasiiddus ahte Finnmárkku ja Romssa stádahálddašeaddji lea ožžon 5 537 000 ruvdnosaš doarjaga maid galget vuorasolbmuide juohkit.
Ulbmil doarjagiin lea álggahit doaimmaid, oassálastima, sosiálalaš oktavuođa ja deaivvadanbáikkiid vuorrasiidda geat orrot iežaset ruovttuin dahje fuolahusvisttiin, gokčan dihte áiggi goas vuorrasat sáhttet dovdat oktonasvuođa koronapandemiija geažil.
Doarjjaortnega sáhttet suohkanat, fylkkasuohkanat, intersuohkanlaš searvvit, eaktodáhtolaččat ja idealla organisašuvnnat ohcat.
