Dávvet Bruun-Solbakk muitala maid son láve váldit mielde go vuolgá Riddu Riđđu festiválii
Riddu Riđđus leat olu guossit ja okta sis lea Dávvet Bruun-Solbakken. Son lea maid Noereh jođiheaddji ja lea hupman festivála Guovssahassemináras.
Álgoálbmogiid arena
Bruun-Solbakk lea goalmmát háve Riddu Riđđu festiválas, muhte diibmá lei vuosttášgeardde go lei rávisolmmošin dáppe.
– Riddu Riđđu lea hui earenoamáš sámi festivála. Dáppe leat hui olu sápmelaččat, muhto maiddái hui olu eará álgoálbmogat, ja de šaddá ge festivála hui buorre arena mas hukse šaldiid álgoálbmogiid gaskkas. Ja mii oažžut buoret ipmárdusa eará álgoálbmogiidda go beassat singuin humadit ja oahpásnuvvat, muitala Bruun-Solbakken.
Muitte gávtti!
Olmmáivákkis ja Riddu Riđu doaluin lea dán rádjái hui ládje rievddadan dálki, ja lea dieđihuvvon sihke arvi, fiertu ja veahá beaivvádat.
– Mun ávžžuhan váldit mielde sihke arvebiktasiid ja ullobiktasiid, ja veahá geassebiktasiid.
Geassegávtti dahje blomstargávtti gal gánnáha váldit mielde go vuolgá sámifestiválii, dadjá Bruun-Solbakken
