Durdnosa ja Haparanda rádjeiskosis lea guoktásis gávdnon brihttalaš korona várianta. Logut lassánit Davvi-Ruoŧas.
Nubbi geasa lea njommon orru Davvi-Ruoŧas. Nu čállá Haparandaaviisa. Sudnuide navdojuvvo njommon báhtterfabrihkas Skillehtes, Västerbottenis.
Regiovdna Norrbotten dieđiha ahte leat gávdnan 12 njoammuma brihttalaš variánttas leanas. Vahkkoloahpas leat maid 185 ođđa njoammumu dieđihuvvon leanas ja 25:s leat buohcceviesus, viđas leat intensiivadivššus.
Västerbottena leanas lea gávdnon 94 olbmos brihttalaš variánta. 31:s lea čaŋastat báhtterfabrihkkii Northvolt Skiellehtes.
Olles Västerbottena leanas dieđihit alla njoammunloguid ja 153 olbmos lea dieđihuvvon korona moatti beaivvis, 42 olbmo leat divššus buohcceviesus ja gávccis leat intensiivadivššus. Nu dieđiha SVT Västerbotten.
