Suomas ávvudit iehčanasvuođabeaivvi ihttin, juovlamánu guđat beaivvi. Dan oktavuođas leat presideantta šloahtas doalut.
Sámi artista Áilu Valle ja Suoma sámediggepresideanta Tuomas Aslak Juuso leaba bovdejuvvon doaluide.
– Lea dieđusge somá, ahte bovdejuvvo dohko, ahte várra lea juoidá goit bargan riekta, go dohko beassá, dadjá Ailu Valle Yle Sápmái.
Stuorat ávvudoalut lágiduvvojit fas maŋŋá pandemiijaáiggiid. Yle Sápmi dieđuid mielde leat veaháš unnit go ovdalaš áiggiid, muhto dattege galget 1300 olbmo searvat ávvudoaluide Suoma presideantta šloahtas.