-Almmuhus-
-Almmuhus-
OĐĐASAT Bovdejit vuorasolbmuid ja nuoraid geahččat govvačajahusa

Bovdejit vuorasolbmuid ja nuoraid geahččat govvačajahusa

-

-

Kárenaš Kárášjoga Sámi giella- ja kulturguovddáš bovde boarrásiid geahččat govvačájálmasa «Jođi buoret go oru», mii čájeha Kárášjoga 1940-logu servodaga. 

Doalut leat Sámi dáiddaguovddážis sotnabeaivvi, borgemánu 9. beaivvi. Govvejeaddji lea Elisabeth Meyer, gii 1940:s ja 1949:s jođii Kárášjogas ja muđui Finnmárkkus. 

– Mii leat ilus go mis lea ovttasbargu dáiddaguovddážiin, vai boarrásat ožžot dákkár vejolašvuođa, lohká Kárenaš prošeaktamielbargi Raisa Niittyvuopio.

Bearrašii ja oapmahaččaide lea bures boahtin geahččat govvačájáhusa boarrásiiguin fárrolaga. 

– Nuorat buolva oažžu vejolašvuođa oahpásnuvvat Kárášjogain 70- ja 80-logus, oktan sin boarrásiiguin. Mii sávvat ahte bearrašat vulget iežaset boarrásiiguin geahččat dán earenomáš govvačájáhusa mii čájeha mo Kárášjohka lei ovdal. Dieinna lágiin sáhttit mii čalmmustahttit iežamet báikkálaš historjjá ja muitalit dan viidásit, lohká Niittyvuopio.

Dát doalut leat Kárenaš giellaguovddáža prošeavtta «čállinverdde» oktavuođas. Prošeakta lea vuorasolbmuid várás.

– Prošeakta galgá doallat oktavuođa boarrásiiguin ja almmolaš bálvalusain ja fálaldagain sámegillii. Giellaarena lokte maiddái vuorasolbmuid árbemáhtu oidnosii ja fállá kulturdoaluide searvat, čilge Niittyvuopio.

Doalut leat Sámi Dáiddaguovddážis boahtte sotnabeaivvi, borgemánu 9. beaivvi dii. 11-13.

- Advertisement -
-Almmuhus-