-Almmuhus-
-Almmuhus-
-Almmuhus-
OĐĐASATBovdejit vistti vuođđogeađge­bidjamii

Bovdejit vistti vuođđogeađge­bidjamii

-

-

Sámi našunálateahter Beaivváš ja Sámi joatkkaskuvlla ja boazodoalloskuvla  bovdejit  iežaset ođđa vistti vuođđogeađgebidjandilálašvuhtii mii lea boahtte vahku, vuossárgga 19. beaivvi. 

– Dá lea dakkár geađgi man lávejit bidjat go ráhkadit veahá stuorát visttiid. Dan galgaba dahkat Sámedikki presideanta  ja máhttoministtar, dadjá Sámi Našunálateáhter Beaivváža diehtojuohkinjođiheaddji Brita Triumf Ávvirii.  Norgga Sámedikki presideanta lea ge Silje Karine Muotka ja Norgga máhttoministtar lea fas Tonje Brenna.

– Nu go mun ieš ipmirdan, de min vuođđogeađgi galgá biddjot dan láhkai ahte oidno go viessu lea gárvvis. Dat galgá leat juoga sajis láhtti vuolde, muitala Brita Triumf.

Vuođđogeađggi bidjama oktavuođas lea diibmosaš prográmma. Ieš dilálašvuohta lea vistti huksenbáikkis Guovdageainnus. Báikkis leat earet eará teáhterhoavda Rolf Degerlun,  Sámi joatkkaskuvlla ja boazodoalloskuvlla rektor Mathis Persen Bongo, ja maiddái Snøhetta arkiteaktafitnodaga arkiteakta Kjetil Trædal Thorsen ja Statsbygg sektordirektevra Magnus Hallaråker. 

Fárret 2024 čavčča

Sámi našunálateáhter Beaivváža ja Sámi joatkkakuvlla ja boazodoalloskuvla vistti huksenbarggut leat álgán miessemánus dán jagi, ja visti galgá gárvánit dasto guovtti jagi geahčen. 

– Mii fárregoahtit de sisa čavčča beallai 2024:s, dadjá Sámi našunálateáhter Beaivváža diehtojuohkinjođiheaddji, Brita Triumf. 

Bearjadaga geassemánu 22. beaivvi 2018 lei dat beaivi go Norgga ráđđehus  almmuhii mearrádusa cegget ođđa vistti teáhterii ja skuvlii. 

Loga maid:
– Somá go beasan geiget Sápmái ja ođđa teáhter­hovdii ođđa teáhter­vistti

Loga maid:
Goive­stemiin borga­dálkkis rahpe beaivváža ja skuvlla huksen­saji

-Almmuhus-