Sávvet boktit juovladovdduid čábbámus sámegiel juovlalávlagiiguin.
Sámemusea Siida ja Anára searvegoddi bovdejit álbmoga boahtit sámegiel juovlalávlagiid lávlut lávus Sámemusea Siidda olgomusea luhtte, juovlamánu 15. beaivvi.
Lágideaddjit ávžžuhit oasseváldiid váldit mielde gálločuovggaid.
– Mii livččiige buoret vuohki vuordigoahtit juovllaid go lávlut ovttas sámegiel juovlalávlagiid stuorra lávus. Amma fuobmát, ahte dollagáttis biktasiidda sáhttá darvánit vehá suovvahádja. Dolla lea min áidna čuovga, nu ahte váldde fárrui gállo-dahje lubmalámppá vai sihkkarit oainnát lávllagihpagis lávlagiid sániid, čállá Sámemusea preassadieđáhusas.
