-Almmuhus-
OĐĐASATBovdejit gehččiid mielde musihkalaš mátkái miehtá Sámi

Bovdejit gehččiid mielde musihkalaš mátkái miehtá Sámi

-

-

Juiget luđiid áiggiid čađa juohke sajis Sámis – bivdomálliid 6000 jagi dás ovdal gitta otnážii.

Sámi Našunálateáhter Beaivváš lea gearggus ođđa bihtáin, Juoiggas konseartačájálmasain, mas álgočájálmas lea oaivegávpogis, Oslos loahpas dán vahkku. Daid beivviid hárjehallet vel maŋemus gerddiid ovdal čavgejit mátkái.

 

Go sánit eai leat šat, de ferte juoiggastit

Luohti gullá Davvi-Eurohpá boarráseamos šuokŋamálliide. Dat lea seilon buolvvas bulvii máŋggaid duháhiid jagiid, ja luohti lea Beaivvi nieidda myhtalaš skeaŋkan sámiide gottiid dápmanreaidun. Musihkalaš gullevašvuođamearkan.

DIEĐUT

Teavsttat: Rawdna Carita Eira, Harald Gaski
Bagadalli: Rolf Degerlund
Neavttárat ja Juoigit: Mary Sarre, Iŋgor Ántte Áilu Gaup, Nils Henrik Buljo, Egil Keskitalo
Musihkalaš heiveheaddji ja Čuojaheaddjit: Roger Ludvigsen, Svein Schultz, Jakop Janssønn
Jietna ja Čuovga: Olav Johan Eira, Sami Kultima
Duodjehábmejeaddji ja goarru: Ann Majbritt Eriksen
Koreográfa: Marte Fjellheim Sarre
Gráfalaš hábmejeaddji: Kerstin Andersson
Govva: Per Heimly

Dáinna konseartačájálmasain áigu Sámi Našunálateáhter Beaivváš guorrat luohtehistorjjá ja doaimma áiggiid čađa. Geahččit besset gullát go muhtin juoiggasta muhtima. Mo luohtedajahallan bekkii 1600 loguid loahpageahčen Eurohpás ja movttiidahtii diktačálliid doppe. Sii juiget luđiid áiggiid čađa juohke sajis Sámis – bivdomálliid 6000 jagi dás ovdal gitta otnážii.

 

Musihkalaš mátki

JUOIGGAS konseartačájálmasain bovde Sámi Našunálateáhter Beaivváš gehččiid mielde musihkalaš mátkái miehtá Sámi mas álgočájálmas lea bearjadaga, ođđajagimánu 18. beaivvi Riksscenenis Oslos. 

Lávdegiella lea davvisámegiella, tekstejuvvo dárogillii.

-Almmuhus-