-Almmuhus-
-Almmuhus-
SMÁVVAOĐĐASATBovdejit fidno- ja oahppo­meassuide

Bovdejit fidno- ja oahppo­meassuide

-

-

Porsáŋggu gielda bovde fidno- ja oahppomeassuide Levdnjii skábmamánu 21. beaivvi dán jagi. 

– Mii háliidit iežamet fiinna Porsáŋggu nuoraid bissut dáppe ruovttus, čállá Porsáŋggu gielda ruovttosiiddus almmuhusas, čakčamánu 30. beaivvi.

Dan oktavuođas bovdejit buot báikkálaš fitnodagaid ja oahppoásahusaid searvat Ungdom i Fokus nammasaš fidno- ja oahppomeassuide, mat galget lágiduvvot Storhallenis, skábmamánu 21. beaivvi 2022. 

Meassut leat oassin vahkus go čalmmustahtto nuoraid psyhkalaš dearvvašvuohta. Dat lea Porsáŋggu gieldda, Leavnnja joatkkaskuvlla ja Porsáŋggu nuoraidceahki skuvlla ovttasbargu. 

Dehálaš oassi psyhkalaš dearvvašvuođa nanosmahttimis leat  buorit vejolašvuođat boahtteáiggis, boahtá ovdan almmuhusas. 

-Almmuhus-