Ássanmoktavahkku oktavuođas bovde suohkana ja ealáhusaid nuvttá seminárii.
Guovdageainnu suohkan dieđiha iežaset neahttasiiddus ahte ássanmoktavahkku oktavuođas lágiduvvo ealáhusseminára Sámi joatkkaskuvlla ja boazodoalloskuvlla visttis, gaskavahkku geassemánu 9. beaivvi, Seastinbáŋkku 1 Davvi-Norga ovttasbargguin. Seminára álgá diibmu 09:00 ja bistá 12:00 rádjái.
Prográmmas leat sihke logaldallamat, ságastallamat ja ovdanbuktimat báikkálaš fitnodagain.
Semináras guossohit nuvttá beaiveborrama, ja dieđihanáigemearri lea mánnodaga, geassemánu 7. beaivvi, diibmu 12:00.