Dán jagi bovde Hold Norge Rent nationála eaktodáhtolaš bargui registreren dihte nuoskkiduvvon guovlluid mearragáttiin ja siseatnamis.
Norgga máhttu nuoskkidandilálašvuođas lea ráddjejuvvon.
Mii eat dieđe man olu doabbarat lávdet miehtá Norgga, eat ge dieđe man olu doabbarat ain lávdet juohke jagi.
Mii diehtit eambbo guovlluid birra mat leat nuoskkiduvvon, ja dán jagi bovde Hold Norge Rent stuora nationála eaktodáhtolaš bargui vai lassánivčče nuoskkiduvvon guovlluid registeremat.
– Ulbmil dainna kampánjjain lea oahppat eambbo Norgga nuoskkideami birra ja čorgendárbbu sihke mearragáttiin ja siseatnamis johgáttiin ja jávregáttiin, dadjá beaivválaš jođiheaddji, Lise Keilty Gulbransen preassadieđáhusas.
Ráhkkaneapmi
Kampánja lea maid ráhkkaneapmi sáttogáddečorgenvahkkui mii álgá cuoŋománu 29. beaivvi ja bistá miessemánu 5. beaivái.
Hold Norge Rent áigu veahkehit eaktodáhtolaččaid ja álkidit barggu gávdnat báikki gos sáhttet čorget ja fuolahit ahte eanas oassi riikkas čorgejuvvo.
Dál leat dieđihuvvon 495 nuoskkiduvvon guovllu Hold Ronge Rent čorgenportálas.
Dat leat merkejuvvon ruoksadin ja sáhttet dagahuvvot čorgenakšuvdnan eaktodáhtolaččaide geat háliidit čorget.
